لدرجه ان كل عيلتنا كانت مسميانا التوام، كنا لازم نلبس زي بعض وناكل مع بعض ودورسنا ومدرستنا واحده يمكن علشان احنا في نفس سن بعض ؟ او علشان احنا البنات الوحيده في البيت . مكنتش اعرف ايه السبب كل اللي كنت اعرفه انها كانت توامي اللي مكنتش اقدر استغني عنها في حياتي . كانت منبع اسراري وتعرف عني اللي متعرفوش عني والدتي زي مثلا بداية قصتي مع علاء جارنا، كنت بحبه جدا وكنت دايما كتمه حبه في قلبي خوف من اهلي، انا فاكره كويس اليوم اللي حكيت فيه لاميره عن حبي لعلاء .
ساعتها اتصدمت ومكنتش اعرف سبب صدمتها اي؟ وردت وقالت: _انتي بتقولي اي؟ قولتلها بخوف: _ في اي يا اميره انا معملتش حاجه غلط ده انا حتي معرفش مشاعري نحيته من طرف واحد ومعرفش هو جواه مشاعر ليا ولالا . ردت ساعتها وقالت: _طب انا هطلع اشوف ماما عايزه اي واما افضي هنزلك تاني . كنت حاسه انها بتتهرب مني بس مفصرتش ان اللي بيحصل له علاقه بالموضوع ده، علاء كان شخص محترم جدا كان في كليه اداب .
اتخرج وبدا يعطي دروس. وكنت بروحله كتير بحجه انه يشرحلي حاجات انا مش فهمهاها . و اميره كانت دايما تقولي اللي انتي بتعمليه ده غلط وهتضري نفسك . كنت برد وبقنعها لانها خايفه عليا واقولها عادي يااميره هو انا لوحدي اللي بروحله ما بنات كتير بتروح لانه بدا يعطي دروس . وكملت كلامي وقولتلها: _عموما طالما خايفة عليا ابقي تعالي معايا حتي مكنش لوحدي . وفعلا جيت معايا وبعدها بتلات ايام جيت مامت علاء لتيتا تحت وقالت انا طلبه ايد حفيدتك لعلاء ابني .
لكن محددتش ومقلتش اسم . ساعتها ماما طلعت وقالتلي فانا سالتها باهتمام قالت لا مقلتش اسم بس اكيد اميره يعني . رديت عليها وانا حاسه بغصه بقلبي وقولتلها: _ وانتي ليه قولتي كده . جيت جمبي وقالت: _ ماهو يا حبيتبي انتي بتروحي له علطول ولا مره فتح كلام زي ده ولا مامته جيت وطلبت طلب زي ده الا ما اميره جيت معاكي امبارح . اقتنعت وزعلت جدا بعدها اميره نزلت وقالت متزعليش نفسك انا مش هوافق عليه .
رديت عليها وانا مقهوره وقولتلها: ‘لا وافقي طالما بص لاختي يبقا لازم اخرجه من قلبي علشان حتي لو ارتبطت بيه هفضل في شك انه بيحبك انتي وانا لايمكن اخسرك حتي لو قصاد كنوز الدنيا كلها . كنت حاسه انها فرحانه وفيه لمعه واضحه في عينها بس كنت بكدب نفسي واقول مستحيل، لحد ما جيه اليوم اللي انا اللي بجهز اميره لحب حياتي . وفعلا دخلت تقدم الشربات وانا ض.ربات قلب كانها بتتخانق معايا وبتقولي وقفيها .
دخلت اوضه اميره وقفلت على نفسي وانا مستنيه اسمع الزغاريط . لكن فجاءه حصلت حاجه قلبت الموازين . سمعت صوت عالي برا فتحت الباب وحاولت اسمع اي الاصوات دي. لقيت ام علاء جيبه تيتا وماما علي جمب وسمعتها بتقول . انا بعتذر جدا علي سوء التفاهم ده انا طلبت اللي كانت بتجي لينا البيت يشرحلها . فماما شرحت ليها وجهه نظرها . وان اميره هي كانت مع صفاء اخر مره .
